Giòmetrico contro la crisi

 
Non finì cchiù, sta crisi. Ma che ci hanno fatto, la magaria?
E allora ecco la pozione magica e conseguente rito scongiuratorio.
Certo, sarà un po' complicato procurar minni di buffa
ma in compenso, fimmini arraggiati, di sti tempi, a tinchitè!
 
SCUGNA MALOCCHIU
 
Pilu di zazzamirra sbiddicata,
griddi sgriddati e vermi svirminati,
minni di buffa, sali na picata,
sangu di setti fimmini arraggiati
pigghiati tutti pi conforma su'.
Scugna, malocchiu, e nun 'ncugnari chiù.
 
Tutti 'nfuddati in forma ammusturata
putenti e formidàbbili, ammiscati
a n'agghiu masculignu di nvirnata
e a quattru passuluni scacazzati
'nzingati cu na cruci e fatta fu.
Scugna, malocchiu, e nun 'ncugnari chiù.
 
Poi ca ti jettu sutta p'ogni via,
fa' di riparu stiticu di guai,
giammetri tu, svintura e camurrìa,
cussi comu vinisti ti nni vai.
Pi gloria d'ognissanti e di Gesù.
Scugna, malocchiu, e nun 'ncugnari chiù.
 
Giòmetrico
 

 

Aggiungi commento


Codice di sicurezza
Aggiorna

Torna in alto

Ricerche Storiche

Censimenti

Storia Civile

Storia Ecclesiastica

Curiosità

Come Eravamo