Li me strumenti
U marranzànu
LI ME STRUMENTI
Dintra la casa mia c'è un magazzinu
di pòviri strumenti rusticani:
tammuri, friscaletti, marranzani,
'na ciaramedda e 'n organettu finu.
Ma quannu lu me cori è murtascinu,
mùscia la menti e aggrancati li mani,
pàssanu jorna e pàssanu simani,
e ni la casa mia nun c'è fistinu.
Si nun sugnu però siddiatuzzu,
e annarba ni lu cori l'alligrizza,
si sdrivìgghia la Musa, e sàuta 'mpizzu.
Pigghia 'na ciaramedda e si ci appizza,
o 'n àutru struminteddu accurdatizzu,
e canta, comu pò, la me prijzza.
Gerolamo Giusto
(Scagghi e Risugghi - sonetti siciliani, Ed. Siculorum Gymnasium, Milano 1933, p. 12)
(prossima poesia del poeta G. Giusto: Lu dialettu sicilianu/1)
Gaetano Masuzzo/cronarmerina.it