Sciroccu

u viddanu... a l'umbra menzu mortu s'arramazza.

 

SCIROCCU

 
Chiana lentu nni l'ària 'nfuscatizza
u suli ch'è malatu di giarnazza;
a pianta ch'era virdi 'na biddizza
ci 'mpinnulìanu sutt'a botta i vrazza.
 
Sta dintra a rinnuledda siddiatizza,
e a tùrtura nn' u boscu nun svulazza;
u viddanu s'affanna e pp'a stanchizza,
a l'umbra menzu mortu s'arramazza.
 
Mi sentu nn'a pirsuna allaccarata
'na muddàcchia, 'na noia di campari,
ca dòrmiri vurria tutt'a iurnata.
 
E si stu focu a tramuntana 'un stuta,
e n'hai vògghia, Ssuntì, di purmuniari...
oh comu ci 'ncasciassi 'na chiuvuta!
 
Gerolamo Giusto
(Scagghi e risugghi - sonetti siciliani, Ed. Siculorum Gymnasium, Officina Grafica L. Faliva, Milano 1933, p. 26)
 
(prossima poesia dello stesso autore: Menzagustu)
 
 
cronarmerina.it

Commenti  

0 #2 Brenna 2019-01-02 16:10
I got this site from my buddy who told me regarding this site and now this time
I am browsing this web page and reading very informative articles at this time.
Citazione
0 #1 scr 888 2018-12-18 14:09
Keep on writing, great job!
Citazione

Aggiungi commento


Codice di sicurezza
Aggiorna

Torna in alto

Ricerche Storiche

Censimenti

Storia Civile

Storia Ecclesiastica

Curiosità

Come Eravamo